میونسپل بلڈنگ سیکشن کی شہر میں تجاوزات اورمین شاہراہوں پر بلڈنگ مٹیرئیل رکھنے پر زبردست کاروائی

 

گلگت (پ ر) میونسپل بلڈنگ سیکشن کی شہر میں تجاوزات اورمین شاہراہوں پر بلڈنگ مٹیرئیل رکھنے پر زبردست کاروائی ، جوٹیال اور یادگار ایریاز کے مختلف جگہوں سے تعمیراتی مٹیرئیل ہٹادئے ۔ تفصیلات کے مطابق بدھ کے روزایڈ منسٹریٹر بلدیہ عظمیٰ امیر تیمور اور بلدیہ چیف کوآرپویشن آفیسر عابد حسین میرکے خصوصی احکامات پر عملدرآمد کرتے ہوئے میونسپل بلڈنگ انسپکٹرز خادم حسین اور محمد سعیدنے اپنے اپنے سیکٹرز میں بلدیہ این او سی کے بغیر نجی و کمرشل تعمیرات کرنے والے متعدد مالکان کو نوٹسز جاری کرتے ہوئے تعمیراتی کام بند کرادئے اور تعمیرات کی غرض لائے جانے والے تعمیراتی مٹیرئیل کو مین شاہراہ سے ہتادیئے ۔ موقع پر مالکان کو ادارے کی جانب سے ہدایات دیتے ہوئے کہا کہ ایڈ منسٹریٹر میونسپل کارپوریشن کے اجازت کے بغیر تعمیراتی کام کرنے کی ہرگز اجازت نہیں دیں گے جب تک ادارے کی جانب سے  نہیں لایا جاتا کام بند رہے گا ایک ہفتے کے اندر تعمیرات کیلئے اجازت نامہ نہ لانے کی صورت میں تعمیراتی مٹیرئیل بحق سر کار ضبط کردیا جائے گا ۔ واضح رہے کہ ایڈمنسٹریٹر بلدیہ عظمیٰ گلگت امیر تیمور نے شہری حدود یں کمرشل ا اور نجی تعمیرات کیلئے بلدیہ عظمیٰ بلڈنگ سیکشن کی اجازت نامہ لازمی قرار دیا ہے بدھ کے روز بلڈنگ انسپکٹرزکے جانب سے کریک ڈاون اس سلسلے کی کڑی ہے