وفاقی وزارت منصوبہ بندی، ترقی اور اسپیشل انیشیٹیو کے مانیٹرنگ ٹیم کے افسران نے دیامر بھاشا ڈیم پروجیکٹ کے مین ڈیم سائٹ کا دورہِ کیا۔

  چلاس : پھسو ٹائمز اُردو : پریس ریلیز :- وفاقی وزارت منصوبہ بندی، ترقی اور اسپیشل انیشیٹیو کے مانیٹرنگ ٹیم کے افسران نے دیامر بھاشا ڈیم پروجیکٹ کے مین ڈیم سائٹ کا دورہِ کیا۔ 

خصوصی مانیٹرنگ ٹیم نے مین ڈیم سائٹ، پاؤر ان ٹیک، آؤٹ لیٹ، ڈائی ورژن ٹنل، ڈائی ورژن کینال، رائٹ ایبٹمنٹ، بیچنگ و کرشنگ پلانٹس،پرمننٹ بریج ، لیبارٹری اور آر کے کے ایچ پرجاری تعمیراتی کام کا معائنہ کیا۔ اس موقع پر واپڈا اور کنسلٹنس کے انجنیئرز نے تعمیراتی پیشرفت سے متعلق بریفنگ دی۔ پلاننگ کمیشن کے افسران نے کنٹریکٹرز پاؤر چائنہ اور ایف ڈبلیو او کے کیمپوں کا دورہِ کیا جہاں انھیں مختلف سائٹس پر جاری تعمیراتی سرگرمیوں کے بارے میں بریفنگ دی گئی۔ 

اس سے قبل پلاننگ کمیشن کے افسران کو دیامربھاشاڈیم کنسلٹنٹس گروپ آفس میں پروجیکٹ میں پیشرفت سے متعلق تفصیلی بریفنگ دی گئی۔ پلاننگ کمیشن کے خصوصی مانیٹرنگ ٹیم میں انجنیئر جبران عمر اور انجنیئر کاشف علی قریشی شامل ہیں دورے کے موقع پر واپڈا کے چیف انجینئر ڈائی ورژن ورکس ڈاکٹر خاور منیر اور چیف انجینئر کوالٹی کنٹرول فخر جہاں واپڈا اور کنسلٹنٹس کے انجنیئرز بھی موجود تھے