23 مارچ کو ہائیر سکینڈری سکول جگلوٹ میں یوم پاکستان کے حوالے سے تقریب منعقد ہوئی

 

گلگت : پھسو ٹائمز اُردُو :    نمائندہ خصوصی  :- 23 مارچ کو ہائیر سکینڈری سکول جگلوٹ میں یوم پاکستان کے حوالے سے تقریب منعقد ہوئی ۔ تقریب کا مہمان خصوصی اسسٹنٹ کمشنر جگلوٹ جناب عنایت اللہ تھے ۔ تقریب میں طلباء اساتذہ اور دیگر شعبہ ہائے زندگی سے تعلق رکھنے نمایاں نے شرکت کی طلبہ نے ملی نغمے ۔ شینا گیت اور یوم پاکستان کے حوالے سے تقاریر کی ۔ دیگر شخصیات نے بھی قرارداد پاکستان کی اہمیت پر روشنی ڈالی ۔ ۔ اسسٹنٹ کمشنر جگلوٹ نے طلبہ اور دیگر شرکاء سے خطاب میں کہا کہ 23 مارچ کا دن ہماری قومی تاریخ میں انتہائی اہمیت کا حامل ہے جس دن آج سے 82 سال قبل مسلمانوں نے دو قومی نظریے کی بنیاد پر علحیدہ مملکت کے قیام کا مقبول ومعروف مطالبہ کیا ۔ یہی وہ مطالبہ تھا جس پر بر صغیر کے تمام مسلمان اکھٹے ہوئے اور قائدین کے فرمان پر لبیک کہتے ہوئے جہدوجہد آذادی کےسفر پر گامزن ہوئے اور اس جوش اور ولولے سے جدوجہدکی کہ صدیوں پر مشتمل کٹھن سفر کوسات سال کے مختصر عرصے میں طے کرلیا اور آذاد مملکت کو حاصل کر کے اپنے مقصد میں کامیاب ہوئے ۔ انھوں نے کہا کہ آج کا دن ہ میں یہ پیغام دیتا ہے کہ ہم جس بھی شعبہ زندگی سے تعلق رکھتے ہوں اور جس مقام پر بھی ہوں ہ میں چاہیے کہ اس مملکت خداداد کو ترقی کی راہ پر گامزن کرنے کے لیے کوئی دقیقہ فرو گزاشت نہ کریں ۔ اسسٹنٹ کمشنر جگلوٹ نے طلباء کو مخاطب کرتے ہوئے کہا کہ آپ ہی قوم کے معمار ہیں اور آپ نے ہی کل اس ملک کی بھاگ ڈور کو سنبھالنا ہے اس لیے اپنے آپ کو جدید علوم سے مسلح کرکے آگے بڑھیں اور اپنی استعداد کو اس قابل بنائیں کہ ملک کی بہترین خدمت میں استعمال ہو سکے ۔