وہاب شہید پولو گراوند میں خصوصی افراد کے لیے کھیلوں کے مقابلوں کا انعقاد کیا گیا

 

گلگت: پھسو ٹائمز اُردُو : پریس ریلیز پاکستان آرمی ایف سی این اے اور محکمہ سوشل ویلیفئر گلگت بلتستان کے تعاون سے وہاب شہید پولو گراوند میں خصوصی افراد کے لیے کھیلوں کے مقابلوں کا انعقاد کیا گیا۔

کھیلوں کے مقابلوں کے مہمان خصوصی چیف سیکریٹری گلگت  بلتستان راشد محمود تھے انکے علاوہ سٹیشن کمانڈر ایف سی این اے سیکریٹری تعلیم، سیکریٹری سوشل ویلفیئر ولی خان، ڈائریکٹر جنرل گلگت  بلتستان ایمرجنسی سروسز ریسکیو1122، کمانڈنگ آفیسر 108آرڈیننس یونٹ،  اور دیگر سیول و عسکری آفیسران سمیت عوام کی ایک بڑی تعداد نے شرکت کی۔

کھیلوں کے مقابلوں میں کرکٹ، رسہ کشی، دوڑ اور دیگر کھیلوں کا انعقاد کیا گیا جبکہ گلگت  بلتستان ایمرجنسی سروسز ریسکیو 1122، محکمہ صحت، محکمہ شوشل ویلفیئر سمیت دیگر محکموں کی طرف سے  خصو صی افراد کے لیے سٹالز لگائے گئے۔

چیف سیکریٹری گلگت  بلتستان اور دیگر مہمانوں نے سٹالز کا دورہ کیا اور خصوصی افراد کے مختلف کھیل دیکھے اور کھلاڑیوں کو داد دیتے رہے انہوں نے مختلف محکموں کی طرف سے لگائے گئے سٹالز کا بھی دورہ کیا، ڈائریکٹر جنرل گلگت  بلتستان ایمرجنسی سروسز ریسکیو 1122 نے ریسکیو1122کے سٹال پر رکھے ہوئے ایمرجنسی گاڑیوں اور دیگر ایمرجنسی آلات کے بارے میں مہمانوں کو بریفگ دی اور ساتھ ہی خصوصی افراد کو  ابتدائی طبی امداد، آگ بجھانے اور ریسکیو کرنے کی تربیت کے انعقاد کے لیے ڈسٹرکٹ ایمرجنسی آفیسر کو ہدایات جاری کیئے۔

خصوصی افراد کے لیے منعقد کھیلوں کے حوالے سے تقریب سے خطاب کرتے ہوئے چیف سیکریٹری گلگت  بلتستان  نے خصوصی افراد کے لیے کھیلوں کے انعقاد پر پاک آرمی اور دیگر محکموں کی کاوش کو سراہا  اسکے علاوہ انہوں نے خصوصی افراد کے لیے600وئیل چیئرز فراہم کرنے کا اعلان کیا او ر مزید کہا کہ خصوصی افراد کی فلاح و بہبود کے لیے ایک اہم منصوبہ پر اس وقت کام کیا جارہا ہے اور بہت جلد خصوصی افراد کو خوش خبری سنائی جائیگی۔

کھیلوں کے مقابلوں کے اختتام پر کھلاڑیوں میں تحفے اور کیش انعامات تقسیم کیئے گئے