گلگت بلتستان کی ٹیم نے ایک گولڈ میڈیل اور تین سلور میڈل حاصل پاکستان بھر میں گلگت بلتستان کی ٹیم نے تیسری پوزیشن

گلگت : پھسو ٹائمز اُردُو : (سپورٹس رپورٹ) :- پاکستان کے صوبہ بلوچستان کے درالخلافہ کوئٹہ میں منعقدہ آل پاکستان ڈائمنڈ جوبلی میریٹل آرٹس فیسٹول 2022کک باکسنگ میں گلگت بلتستان کی ٹیم نے ایک گولڈ میڈیل اور تین سلور میڈل حاصل پاکستان بھر میں گلگت بلتستان کی ٹیم نے تیسری پوزیشن حاصل کرلی ہے۔ ماونٹین میریٹل آرٹس اکیڈمی کے تعاون و زیر انتظام گلگت بلتستان سے چار کھلاڑیوں نے شرکت کی جن میں سے مبشر خان ساکن استورنے گولڈ میڈل،عطاء ساکن دیامر نے سلور، حسنین ساکن جوٹیال گلگت نے بھی سلور اور عتیق ساکن جوٹیال گلگت نے بھی سلور میڈل حاصل کی ہے۔ ماونٹین میریٹل آرٹس اکیڈمی کے سربرہ و کوچ سہیل عالم قریشی نے اس حوالے سے میڈیا کو تفصیلات بتاتے ہوئے کہا کہ ہم نے اپنی مدد آپ پاکستان بھر کے اس ایونٹ میں شرکت کی ہے جس میں کئی اداروں کے چکر لگانے اور بالخصوص سپورٹس بورڈ کے حکام کے دروازے کھٹکھٹانے کے باجود کسی نے بھی ہمارے ساتھ تعاون کرنے کی زہمت نہیں کی اس لئے میں نے اپنے جیپ سے تمام تر اخراجات کرکے پاکستان بھر میں گلگت بلتستان کی نمائندگی کی ہے جس میں اللہ نے ہمیں بھر پور کامیابی دی ہے جس کی وجہ سے پاکستان بھر میں گلگت بلتستان کا نام روش ہوا ہے۔انہوں نے کہا کہ اس میگا ایونٹ میں پاکستان بھر سے مختلف سمیت گلگت بلتستان اور کشمیر سے 6ٹیموں نے شرکت کی تھی جس میں سے گلگت بلتستان کی کک باکسنگ ٹیم نے پہلی بار اس میگا ایونٹ میں شرکت کرکے ایک گولڈ اور تین سلور میڈل حاصل کرکے پاکستان بھر میں تیسری پوزیشن حاصل کی ہے۔انہوں نے کہا کہ اگر حکومت اور دیگر اداروں کی تعاون رہی تو گلگت بلتستان کا نہ صرف پاکستان بھر میں بلکہ دنیا بھر میں نمائندگی کرکے جی بی کا نام روشن کیا جائے گا