گلگت : مارچ کے مہنے میں میٹرک اور ایف اے کے امتحانات ڈیجیٹل سسٹم کے تحت ہونگے

 

گلگت۔ علامہ اقبال اوپن یونیورسٹی گلگت بلتستان کے زیر اہتمام امتحانی عملے کے لئے ایک ورکشاپ منعقد کی گئی جس میں امتحانی عملے کو ڈیجلیٹلائزڈ سسٹم کے حوالے سے بریفنگ دی گئی اس موقع پر ریجنل ڈائریکٹر دلدار حسین اور اسسٹنٹ ڈائریکٹرصومیہ زہراء نے امتحانی عملے سے خطاب کرتے ہوئے کہا کہ اے آئی یو کے زیر اہتمام مارچ کے مہینے سے میٹر ک اور ایف اے کے امتحانات شروع ہورہے ہیں جس میں امتحانی عملے کے لئے سابقہ روایات سے ہٹ کر دور جدید کے تقاضوں کو مدنظر رکھ کر ڈیجلیٹائزیشن کیا جارہا ہے جس میں امتحانات کے سسٹم کو مذید شفاف بنانے کے لئے موبائل ایپس اور ویب سائٹس کے سسٹم متعارف کر وائے گئے ہیں تاکہ امتحانات بروقت اور آسانی کے ساتھ منعقد ہو سکیں ورکشاپ کے دوران امتحانی عملے نے اس سسٹم کی تعریف کرتے ہوئے مختلف سوالات بھی کئے جن کا موقع پر ہی جواب دے کر مطمئن کر وایا گیا۔